Timersortartut pikkorivissut

Timersortartut pikkorivissut

 

Timersortartut pikkorivissunut ilanngunneqartarput timersortartut Elite Sport Greenlandip naliliisarnermi piumasaqaatai najoqqutaralugit piukkuneqartut.
Timersortartumut pikkorivissumut aningaasatigut tapiisoqartarpoq Specialforbundip timersortartoq naliliivigereerlugu inassuteqarnera aallaavigalugu. Timersortartoq pikkorivissoq aalajangersimalluinnartumik sungiusariaaseqarnissaanut, inooriaaseqarnissaanut aallutaminullu  soqutiginnilluinnarnissaanut sakkortuumik piumaffigineqartarpoq.
Timersortartup pikkorivissup anguniagassai Elite Sport Greenlandip anguniagaanut attuumalluinnarput.
Timersortartumut pikkorivissumut anguniagassaq annerpaaq tassaavoq Olympiske Legenut peqataasinnaanissaq, piffissamilu unammersuarnerit akornanni timersortartup anguniagassai pingaarnerpaat tassaappput europa- aamma verdensmesterskabeni nunanilu avannarlerni unammersuarnerni angusarissaarluni unammeqataasarnissat.

Timersortartut piginnaanillit

 

Timersortartunut piginnaanilinnut ilanngunneqartarput timersortartut ukiut ingerlaneranni timersortartutut pikkorivissutut siuariartorsinnaanissamut piukkunnaatillit.
Timersortartumut aningaasatigut tapiisoqartarpoq Specialforbundip timersortartoq naliliivigereerlugu inassuteqarnera aallaavigalugu. Timersortartoq piginnaanilik qanoq siuariartornissaanut, aalajangersimasumik sungiusariaaseqarnissaanut aallutaminullu soqutiginnittuunissaanut sakkortuumik piumaffigineqartarpoq.
Timersortartumut piginnaanilimmut pingaarnerpaavoq Kalaallit Nunaanni pissartanngorniulluni unamminerni, Arctic Winter Games-ini, Island Games-ini aammalu / imaluunniit Pan Amerikanske Mesterskabeni unammisarnerni angusarissaarnissaq.