TIMERSORNEQ ILINNIARTITAANERLU

Piginnaasallit – pikkorivissullu Elite Sport Greenland suleqatigalugu Nunatta avataanut ilinniariartornissaminnut periarfissaqarput.

Taamaattoq piumasaqaatit assigiinngitsut naammasseqqaarneqartariaqarput, tulliuttuni piumasaqaatit atuarneqarsinnaapput.

 

Timersornikkut piginnaasalik – pikkorivissorlu suuppat?

 

Timersornikkut piginnaasalik:

 

  • Piginnaasalik tassaavoq Inuk piginnaasaminik pikkorivissunngornissaminut ukiorpaalunnguit ingerlaneranni   ineriartortitsisinnaassuseqarsorineqartoq
  • Arctic Winter Games-imi, Island Games-imi immaqaluunnit Pan American pissartanngorniunnerni peqataasimanissaq ilimanaateqarluarpoq
  • Aamma timersuutit sinnerlugu GM-ini peqataasimanissat ilimanaateqarluarpoq
  • Timersoqatigiit tunuliaquttatit timersuutit piginnaasaqarfigilluarit uppernarsarsimassavaat
  • Team Grønlandip timersornermi piginnaasalinnut pikkorissaanerisa ilaanni peqataanikuusimassaatit
  • Timersuutimini pikkorivissoq tassaavoq:
  • Inuk Elite Sport Greenlandimit pikkorivissutut nalilerneqartoq, nunat tamalaat akornanni timersuutimini unammillersinnaasutut isigineqartoq.
  • Damarkimi pissartanngorniuttuni, Europami pissartanngorniuttuni, Pan American pissartanngorniuttuni, Nunat tamalaat akornanni pissartanngorniuttuni OL-imilu peqataasimanissat ilimanaateqarluarpoq.
  • GM-imi pissartanngorsimanissat ilimanaateqarluarpoq.

 

Timersornermi- / Ilinniarnermilu taperneqarneq suua?

Ilinniartuunermusiaq pissarsiarineqarsinnaavoq Namminersorlutik Oqartussat ilinniartuunermusiat pillugit nalunarutaat naapertorlugu.

Piginnaasaqarluartunit ilinniarneq piumasaqaatit nalinginnaasut naapertorlugit malinnaavigissavaat, ilutigitillugu timersornermik ingerlatsiitigalutik. Ilinniarnermusiaq timersortartumut piginnaasaqarluartumut Nunatta avataani ilinniarfissami akuerisaasumi ilinniarnissaminut akueritittumut tunniunneqartarpoq. Ilinniarnermik ingerlatsineq Danmakimi immaqaluunniit Nunani Avannarlerniikkajuttarpoq. Pikkorivissut ilinniarnermi ilusissaat nammineerlutik aaqqissorsinnaavaat timersornerlu taassuma iluani tamakkiisumik ingerlanneqassaaq. Ingerlaasissaq Elite Sport Greenlandimit ilinniartitaanermut inuussutissarsiutimullu ilinniartitaanermut aqutsisoqarfimmit akuerineqassaaq.

 

Kina timersornermik- / ilinniarnermusiamillu pisinnaava?  

 

  • Meeqqat atuarfiat naammassisimasuussavat.
  • Gymnasiami ilinnialernissamut akuerineqarsinnaassuusaatit, inuussutissarsiutissamik ilinniarfik akuerisaq, immaqaluunnit ilinniagaq ingerlariaqqiffiusoq.
  • Nammineerlutit ilinniarfigerusutat qinnuteqarfigissavat.

 

MALUGIUK:

Maluginiagassaavoq Elite Sports Greenlandimiit una timersornermut tapiissutaanngimmat, Namminersorlutik Oqartussaniillu ilinniarnermusiaalluni. Taamaattumik Elite Sport Greenlandimiit aningaasaliinerunngilaq. Meeqqat atuarfianni, efterskolemi idrætshøsjkoliniluunniit atuartunut timersornermik piginnaasalimmut ilinniarnermusititsisoqarsinnaanngilaq.

Qanoq iliussavit?

 

  • Nunatta avataani ilinniarnissamut qinnuteqarfissaq nalinginnaasoq immersussavat. www.sunngu.gl iserfigalugu qinnuteqarfissaq aassavat. Malitsigisaanik ilinniarfigiumasannut qaninnermut Kalaallit Illuannut Danmarkimiittumut (DGH) nassiutissavat. DGH-mi ilinniarnermusiaqarsinnaanerit nalilersorneqassaaq.
  • Ilinniarfigerusutat qinnuteqarfigissavat. qinnuteqaativit assilinera DGH-mut ilanngullugu. Akissutisiguit qinnuteqaativit assilinera DGH-mut nassiutissavat.
  • Sportscollege najugaqarfigerusutat qinnuteqarfigissavat. DGH-mut qinnuteqaativit assilinera ilanngullugu. Akissutisiguit DGH-mut qinnuteqaativit assilinera nassiutissavat.
  • Ilinniarfigerusutat pillugu nalunaarusiussaatit, ilinniarnerit timersornerillu qanoq atqatigiissaarniarneritit ilanngullugu. DGH-mut qinnuteqaammut ilanngunneqassaaq.

 

 

Elite Sport Greenland-imut ima iliussaatit:

 

    • Timersoqatigiiffimmiit oqaaseqaammik allakkamik ilanngussissaatit, Elite Sport Greenlandimut timersornermi piginnaasalittut nalilerneqarnerit innersuussutaalluni. Peqatiigiiffiup info@elitesport.gl – imut toqqaannartumik nassiutissavaa..
    • Inuttut ilisaritissaatit timersornikkut CV-t ilangullugu, matumani ukiuni kingullerni marlunni timersornikkut angusatit ilanngullugit, soorluttaq siunissami timersortartutut pilersaarutitit allaaserilaassagitit. Taanna aamma info@elitesport.gl-imut nassiutissaaq, attaveqarfigineqarsinnaaninnut paasissutissat ilanngullugit.

Taava susoqassava?

 

  • Elite Sport Greenland ilinniartoq qanimut oqaloqatigissavaa. Maanilu paasiniarlugu qinnuteqartoq ilinniarfissaminut oqaatsitigut allatullu peqataasinnaaneranik.
  • Elite Sport Greenland allagaqaateqassaaq kalaallit illuannut. Qinnuteqartorlu kopiianik piumaarluni.

Elite Sport Greenland ilinniarnerup aallartereernerata kingorna apeqqutilliiffigisinnaavaatit ukuninna:

1.      Uppernasaat suna kattuffik/peqatigiiffik ilaasortaaffinerit. Sumilu sungiusartarnerit.

2.      Ullormut sungiusarnermut, ilinniarnermut sulinissamullu pilersaarusiat.

3.      Unammisartup anguniagai qanimut, siunissamullu.

 

Uppernarsaatit Elite Sport Greenland-imut nassiunneqassapput ulloq kingullerpaaq 1. marts. Uunga: info@elitesport.gl

 

Immikkuullarissumik qinnuteqaatit tiguneqarsinnaapput allakkat nassiussat tamarmik ulloq qinnuteqarfissaq kingulleq nassiunneqarsimappata.