GUX idrætslinje

KIKKUT QINNUTEQARSINNAAPPAT?

Elite Sport Greenland soqutigisarivaa Kalaallit Nunaanni timersorneq siuarsassallugu, nunat tamalaani piukkunnaatillit kiisalu pikkorivissortut tapersersussallugit timersornikkut

Elite Sport Greenland suleqatigalugit Naalakkersuisut piukkunnaatillit kiisalu pikkorivissortut atuaatigalutik timersorsinnaanerat tapersersorlugu siunertaq piviusunngorpoq.

Elite Sport Greenland pigaartippaa timersortartut Kalaallit Nunaanni inuiaqatigiinnut maligassiuinissaat.

Qinnuteqartoq piukkunnaateqassaaq kiisalu pikkorivissortunngornissamut siuarsarnissani timersuutimini siuariartornissani pigaartissallugu.

PIUMASAQAATIT

Qinnuteqartoq inuttut kiisalu timersornikkut siuariartornissaminut kajumissuseqassaaq idrætslinje-mi atuarnissaminut.

Piumassuseqassaaq sapaatip akunneranut marloriarluni ullaakkut timersuutimini sungiusartarnissaminut.

Qinnuteqartoq/atuartoq illoqarfimmi timersoqatigiiffimmut ilaasortaassaaq kiisalu ingerlataqartuussalluni.

QINNUTEQARNEQ

QANOQ QINNUTEQARTARPAT?

Pigaaruteqarpoq qinnuteqartup misissorluarsimanissaa GUX-mut tigusaassagaanni piumasaqaatit qinnuteqannginnermi.

Qinnuteqarnissamut idrætslinje-mut maleruagassaq:

1. Qinnuteqarnissamut immersugassaq immersorneqassaaq Piareersarfimmiik kiisalu sunngu.gl aaneqarsinnaavoq

2. Oqaaseqaatit piumasaqaataapput qinnuteqarnermi ilanngunnissaat.
– Timersuutippit kattuffianiik oqaaseqaat
– Sungiusaasumiik oqaaseqaat
– Imaluunniit sungiusaasorinikuusamiik timersuummi eqqartorneqartumi oqaaseqaat

3. Idrætslinje-mi sooq atuarusunnerlutit quppernermut ataatsimut allagit
A) Imminut ilisaritinneq kiisalu angorusutatit timersuuterni ilanngukkit
B) Sooruna idrætslinje ilinnut soqutiginartoq?

4. Piumasaqaataasut angusimavigit? Taamaanngippat tigutinnissamut misilitsissaatit.
– Piumasaqaatit suuppat? Piareersarfik imaluunnit GUX attavigiuk

Maleruagassaq malillugu qinnuteqareernermi Elite Sport Greenland-iminngaanniik piukkunnaatilittut akuerisaanersutit innersuunneqassaatit.
Kingornalu Elite Sport Greenland innersuussani atuarfimmut GUX-imut nassiutissavai.

QANOQ QINNUTEQAAT INGERLASARPA?

  • Qinnuteqarnissamut ulloq kingulleq: 1. Marts
  • GUX atuarfiup qinnuteqaat suliarissavaa atuarnermi piumasaqaatit pillugit
  • GUX atuarfiup qinnuteqaatit tamakkerlugit suliarereerpagit Elite Sport Greenland-imut nassiutissavai. Suliarineqassappullu piukkunnaatilittut nalilerneqarnissaq pillugu.
  • Elite Sport Greenland innersuussani piukkunnaatilittut nalilikkat atuarfimmut utertissavai.
  • GUX atuarfimmiik tigusaasussat kalerrinneqassapput.