TIMERSORNERMI AMBASSDØRI

KINA QINNUTEQARSINNAAVA?

 

Timersortartut Kalaallit Nunaanni timersornerup silarsuaani akuulluartut. Naliginnaasumik taakkuusapput Kalaallit Nunaanni timersuutiminni pikkorinnerpaat ilagisaat, unammiuaarnernilu assigiinngitsuni Kalaallit Nunaallu sinnerlugu takutitsilluartartut. Taakkuusinnaapput pikkorivissortutut tapiissutinnannikuusimasut ukioqqortunerli pissutigalugu, imaluunniit allanik pissuteqarlutik, pikkorivissortutut timersortarnerminni siuariartorunnaarnikuusut.

 

Taakkuusinnaapputtaaq piukkunnaatillit siunissami takutitsillattaartalernissaminnut pikkorivissortunngornissaminnut piginnaaneqarluartut. Minnerunngitsumillu holdini timersortartut ataasiakkaat tapiissutisisalersinnaasut nersugassaasullu.

 

Timersornermi ambassadørit 10.000 – 40.000 koruunit akornanni tapiissutisisinnaapput. Aningaasat timersornermut aningaasartuutinut, angalanernut unammiuaarnerullu nalaani najugaqarnermut atorneqassapput.

AALAJANGIINERMI TUNNGAVIIT

  • Tapiissutigineqartoq Kalaallit Nunaanni timersornermi maligassiuisuussaaq siuarsaaqataasussatut
QANOQ QINNUTEQASSAVIT

QANOQ QINNUTEQASSAVIT?

 

Pingaarpoq qinnuteqalinnginnerni piukkunnaatilinnut tapiissutinut piumasaqaatit, pissutsit inatsisillu ilisimassagitit.

 

Pingaarpoq tapiissutinut piumasaqaatit misissornissai nassiutinnginneranilu tamaasa akinissai.

 

  1. Elite Sport Greenlandimut qinnuteqaatit tamarmik allagaassapput
  2. Qinnuteqaat siulersuisunit oqaluuserineqassappat uku imarissavai:
    • Tunngavilersorluakkamik qinnuteqaat ukiunut marlunnut takorluukkanik imaqassaaq
    • Sammisassanut pilersaarut
    • Sammisassat suuneri nassuiarneri
    • Anguniakkap tungaanut angusassat anguniagarlu
    • Ukiut marluk kingullerni sammisat/inernerit
    • Aningaasat isertitassat atortitassallu missingiusiorluarnerat
  3. Skema (download)
  4. Aningaasat isertitassat atortitassallu missingiusiornerat (download)

QINNUTEQARNERUP INGERLARNGA?

 

  • Qinnuteqaatit uunga nassiunneqassapput info@elitesport.gl
  • Ullut qinnuteqarfissat killingi ukiumut tallimariaq pisarput
  • Allaffeqarfiup qinnuteqaatit nassiunneqarnikut suliarisarpai siulersuisunullu ingerlateqqittarlugit, taakkulu sapaatip akunnerata iluani qinnuteqaatit atuarsimassavaat qinnuteqartunullu apeqquteqassallutik
  • Apeqquteqartoqassappat allaffeqarfiup qinnuteqartunut nassiussavai
  • Qinnuteqartoq akinissaminut ullut arfinilinnik periarfissinneqassaaq
  • Qinnuteqaatit siulersuisut naapinneranni suliarineqassapput
  • Siulersuisut naapinneranniit kingusinnerpaamik sapaatip akunnera qaangiussimalerpat akissuteqassapput