Suliniutinut tapiissutit

Suliniutinut tapiissutit

Suliniutinut anginerusunut tapiissutit iligiinnut ingerlalluartunut takutitsilluartunullu imaluunniit sungiusarnerni unamminerniluunniit atortussanut pitsanngorsaasussanut ineriartuutissatut Kalaallit Nunaanni pikkorivissunut tapiissutigineqarsinnaapput,
Iligiit nunanut allanut unammisartunut toqqammaviusumik tunniunneqassapput, nunat tamalaat unammiuaarnerannut, imaluunniit nunanut allanut unammisartut Kalaallit Nunaanni unamminissaannut tapiissutigineqarsinnaallutik.
Atortunut sungiusarnermi unamminerniluunniit ineriartuutissatut toqqammaviusumik ukununnga tapiissutigineqarsinnaapput, ornittakkat anginerusunut pisinermi, atortut assigisaalu piukkunnaatilinnik pikkorivissortunillu amerlanerusunik pilersitsisinnaasut.
Suliniutit toqqammaviusumik tapiissutit angissusaat 50.000 kr. aamma 800.000 kr. akornaniissinnaapput.

Piumasaqaatit

  • Suliniut pillugu itisilerlugu allataq missigersuutitalik qinnuteqaammut ilanngunneqassapput.

QANOQ QINNUTEQASSAVIT?

Pingaarpoq qinnuteqalinnginnerni Suliniutinut tapiissutit tapiissutinut piumasaqaatit, pissutsit inatsisillu ilisimassagitit.

Pingaarpoq tapiissutinut piumasaqaatit misissornissai nassiutinnginneranilu tamaasa akinissai.

  1. Elite Sport Greenlandimut qinnuteqaatit tamarmik allagaassapput
  2. Qinnuteqaat siulersuisunit oqaluuserineqassappat uku imarissavai:
    – Tunngavilersorluakkamik qinnuteqaat ukiunut marlunnut takorluukkanik imaqassaaq
    – Sammisassanut pilersaarut
    – Sammisassat suuneri nassuiarneri
    – Anguniakkap tungaanut angusassat anguniagarlu
    – Ukiut marluk kingullerni sammisat/inernerit
    – Aningaasat isertitassat atortitassallu missingiusiorluarnerat
  3. Skema (Immersugassaq aajuk)
  4. Aningaasat isertitassat atortitassallu missingiusiornerat (Immersugassaq aajuk)
Qinnuteqaat uunga nassiunneqassaaq: info@elitesport.gl

QINNUTEQARNERUP INGERLARNGA?

  • Qinnuteqaatit uunga nassiunneqassapput info@elitesport.gl
  • Ullut qinnuteqarfissat killingi ukiumut tallimariaq pisarput
  • Allaffeqarfiup qinnuteqaatit nassiunneqarnikut suliarisarpai siulersuisunullu ingerlateqqittarlugit, taakkulu sapaatip akunnerata iluani qinnuteqaatit atuarsimassavaat qinnuteqartunullu apeqquteqassallutik
  • Apeqquteqartoqassappat allaffeqarfiup qinnuteqartunut nassiussavai
  • Qinnuteqartoq akinissaminut ullut arfinilinnik periarfissinneqassaaq
  • Qinnuteqaatit siulersuisut naapinneranni suliarineqassapput
  • Siulersuisut naapinneranniit kingusinnerpaamik sapaatip akunnera qaangiussimalerpat akissuteqassapput
Scroll to Top