Nerisanut tapertat

NERISANUT TAPERTAT TIMERSORTARTOQ NORMU 100-MIT MEDAALIANNATTUSSAT AKORNANNUT INISSISSINNAANNGILAAT, TAMAKKUALI NERISANUT TAPERTAT ILAAT EQQORTUMIK ATORNEQARAANGAMIK PINGAARUTEQANNGITSUTIGUT SIUARIAALLATSITSISINNAASARPUT.

Team Danmarkip kaammattuutigaa nerisanut tapertassanik atuilersinnani sungiusarnerup, nerisaqarnerup timimillu iluarsiartortitsisarnerup pitsanngorsarnissaasa eqqumaffiginiarneqartarnissaat. Isumaqaraanni nerisanut tapertanik nerisanut tapiliussinissaq pisariaqartoq ilitsersuisinnaasumik tamakkuninnga ilisimasaqarluartumik ilitsersuisussarsiortoqartariaqarpoq.

Modellimi matuma ataaniittumi allattorneqarsimasut arfinillit misissuataarnerisigut nalilersorsinnaavat nerisanut tapertanik pisarnissat naleqquttuunersoq.

 

  1. Nerisanut tapertat inerteqqutaanngillat?
    Illit timersortartutut nammineerlutit akisussaaffigiuaannartussaavat dopingit allattorsimaffiannut ilaasunik iisaqannginnissat.
    Dopingimik akiuiniarneq pillugu uani paasisaqarnerusinnaavutit aammalu dopingit allattorsimaffiat nittartakkanullu iserfissat tamakkununnga tunngasut nanisinnaallugit
  2. Nioqquteqarpa ilisimatuussutsikkut uppernarsaasikkanik?
    Nerisanut tapertassanik pisiassarpassuaqarpoq, Team Danmarkilli ikittuinnaat sunniuteqarnermikkut uppernarsaasigaasimasut peqqissutsimullu aarlerinartorsiutaanngitsut innersuussutigai.

Nerisanut tapertat sorliit Team Danmarkip innersuussutiginerai aamma qanoq ilisukkut nerisanut tapertat ataasiakkaat pinissaat naleqquttuusarnersoq takuuk

  1. Nerisanut tapertat akussarinngisaminnik akoqarnerannik misissorneqarsimappat?
    Nerisanut tapertanik inerteqqutinik akuneqarsimasunik pinissat aarlerinaatikinnerulersissinnaavat akussarinngisaminnik akuneqarsimasinnaanerminnik misissorneqarsimasuinnaat pisiarisarnerisigut.
    Nerisanut tapertassanik pissarsisarneq pillugu amerlanerusunik uani atuagaqarit
  2. Innarligassaanngissuseq ileqqorissaarnerlu
    Nerisanut tapertanik atuineq tassaajuaannarpoq inuup nammineerluni toqqagaa. Nerisanut tapertat inuussutissanut tapertaapput timersortartup nassuiaanneqarnermigut misilissallugit atussallugillu toqqarsinnaasai. Team Danmarkip nerisanut tapertat pillugit innersuussutai qaffasissumik timersornermi pingaartitanik qallunaallu unammilluni timersornermi ileqqorissaarnissamut najoqqutassiaannik tunngaveqarput
  3. Ataasiakkaarluni misiliisarneq
    Timersortartut nerisanut tapertat assigiinngitsunik timimikkut qisuariarfigisarpaat aammalu timersortartutut sungiusarnerminni unamminerminnilu assigiinngitsunik piumasaqaateqarfigineqartarlutik. Taamaattumik timersortartut ataasiakkaarlutik siunnersortinit ilisimasalinnit imminnut naleqqussakkanik aatsaat malitassaqaraangata nerisanut tapertanit pissarsiassaq pitsaanerpaaq anguneqartarpoq. Nerisanut tapertat unamminermi atorusukkaanni pingaaruteqarpoq unamminissaq sioqqullugu sungiusarnikkut qisuariaatit misilinneqartuartarnissaat. Nerisanut tapertat tunniunneqartut sunniutaat periarfissaqarnerit tamaasa uuttorneqartuartariaqarpoq.
    Naluttartut kreatinimik misileraanerannit assersuut atuaruk
  4. Atortussanngortitsineq
    Nerisanut tapertat misilerarneqareersimalerpata pitsaasumillu sunniuteqartarnerat paasineqarsimalereerpat atortussanngortinneqarsinnaapput takuneqassallunilu unamminermi taamatulli atorneqarsinnaanersut. Eqqaamajuk misileraaneq, sungiusarneq unamminerlu assigiinngitsuummata ilaatigut eqqissisimanngissutsikkut/eqqissisimassutsikkut assigiinngissuteqarfiusarlutik, aamma eqqaamajuk unamminermi sunniutaasoq misiliinermi sungiusarnermiluunniit sunniutaasutulli atsiginngeratarsinnaasarmat.

Materialet er udviklet af

Scroll to Top