Piffissamik immikkoortiterineq
PIFFISSANIK INISSITITERINERMI ANGUNIAGAAVOQ UNITTUUNNGINNISSAQ PIFFISSANILU EQQORTUNI TIMIP PIGINNAASSUTSIMIGUT PITSAANERPAAFFIMMIITINNEQARTARNISSAATA QULAKKEERTARNISSAA
MAANI SUNGIUSARNERMUT NAJOQQUTASSIAT ILAAT ASSIGIINNGITSUT ATAATSIMUT ISIGISINNAALISSAVATIT
PIFFISSAMIK IMMIKKOORTITERINEQ
Sungiusarnissamut piffissanik inissititerineq isumaqarpoq ass. makku allanngortinneqarnissaannik:
- Sungiusakkat tulleriinnerat
- Sungiusakkanik ataqatigiinnik tamanik uteqqiinerit amerlassusii sungiusakkallu amerlassusii
- Sungiusarnerit sungiusakkallu ataqatigiit akornanni unillatsiarnerup sivisussusia
- Sakkortussuseq sungiusarnermi atorneqartoq
- Pitsaanerpaamik ineriartornissaq qulakkeerniarlugu ullormut, sapaatip-akunneranut qaammammullu sungiusartarnerit amerlassusii
- Piffissanik inissititerinermi anguniagaavoq unittuunnginnissaq piffissallu aalajangersimasup ingerlanerani piffissaliunneqartuni timip piginnaassutsimigut pitsaanerpaaffimminiitinneqartarnissaata qulakkeerneqarneqartarnissaa – pingaartumik pissartanngorniunnerit angisuut nalaanni timi piginnaassutsimigut pitsaanerpaaffimminiitinniarneqartarpoq.
PIFFISSAQ MALILLUGU PIFFISSANIK INISSITITERINEQ
Piffissaq malillugu piffissanik inissititerisarnermut piffissap ingerlanerani sungiusakkat amerlassusiisa ikiliartortinneqarnerannut peqatigitillugu sungiusarnerup sakkortussusiata sakkortusiartortinneqartarnera ilisarnaataavoq.
Tunngaviusumik aallartittoqartarpoq sungiusakkat amerlasuujutillugit sakkukitsumillu sungiusartarluni piffissallu ingerlanerani taakku allanngortikkiartorlugit, taamaalilluni sakkortuumik sungiusarnikkut sungiusakkallu amerlassusiisa ikilisinnerisigut timi piginnaassutsimigut pitsaanerpaaffimminiitinneqartarpoq ass. nukkassarnikkut, sakkortuumik nukkassarnikkut imaluunniit sukkatsisarnikkut. Piffissami sivisunerusumi piffissanik inissititerisartilluni sungiusarnermit pissarsiassat annerunissaat ilimanaateqarnerulersarpoq. Piffissaq malillugu piffissanik inissititerisarneq timersuutini ass. kivittaarinermi, styrkeløftimi, atletikkimi, eqaarsaarnermi, triatlonimi, cykelernermi timersuutinilu allani ukiup ataatsip ingerlanerani amerlanngitsunik unammissutigineqartartuni iluaqutitalimmik atorneqarsinnaavoq.
Piffissaq malillugu piffissanik inissitsitereriaatsip nalinginnaasup qanoq aaqqissuussaasarneranut assersuut: Takussutissiami nukkassarnermut/sakkortuumik nukkassarnermut piffissaq malillugu piffissanik inissitsiterinermi najoqqutassat pingaarnerit takutinneqarput.
Piffissani assigiinngitsuni piffissap qanoq sivisutigisup atornissaanut qanoq piffissaqartigineq, sungiusarnermik misilittagaqarneq timersortartullu nukittuffii sanngiiffiilu apeqqutaasarput.
Taamaakkaluartoq piffissanit taakkunannga pitsaanerpaamik pissarsinissaq qulakkeerniaraanni piffissanut tamanut sivikinnerpaamik qaammatinik pingasunik piffissaliisoqartariaqarpoq.
Nukinnuk ineriartortitsineq | Nukkassarneq | Sakkortuumik nukkassarneq | Timip piginnaassut-simigut pitsaanerpaaf-fimmiinnera | |
Sungiusakkat ataqatigiit | 3-5 | 3-5 | 3-5 | 3-5 |
Uteqqiineq | 8-12 RM | 2-6 RM | 2-3 RM | 1-3 RM |
Sakkortussuseq | Akunnattumit sakkukinnerusoq | Akunnattoq | Sakkortooq | Assut sakkortooq |
Sungiusakkat amerlassusiat | Assut amerlasuut | Amerlasuut | Akunnattumik amerlassusillit | Amerlanngitsut |
PIFFISSAQ MALINNAGU PIFFISSANIK INISSITSITERINEQ
Piffissaq malinnagu piffissanik inissitsiterineq piffissanik inissitsitereriaatsip nutaanertaraa timersuutinut sivisuumik sæsoneqarfiusunut taamaattumillu piffissami sivisunerusumi timip piginnaasaasa qaffasissumiitsinnissaannut naleqqussagaasoq.
Piffissaq malinnagu piffissanik inissitsiterinermi nukkassarnerup, sakkortuumik nukkassarnerup sukkassutsillu sæsoni tamakkerlugu ineriartortinneqarnissaat allanngujaatsuutinneqarnissaallu siunertaapput.
Piffissanik inissitsitereriaaseq una – piffissap malillugu inissitsitereriaatsimisulli – sungiusarnermi sammisat assiginngitsut allanngorarnerannut aaqqissuussaavoq. Matumani sungiusakkat amerlassusii sakkortussusiilu allanngorartinneqarput, taamaalilluni piffissap sivisuup ingerlanerani timi piginnaassutsimigut qaffakkiartuaartinneqarluni, timillu piffissami aalajangersimasumi piginnaassutsimigut qaffasinnerpaamiilernissaata anguniarneqarnissaa pingaarnerpaatinneqarani.
Sungiusarnermi RM-træningszonit assigiinngitsut pingasut atorneqarajunnerupput: 4-6RM, 8-10RM aamma 12-15RM.
Sapaatip-akunneranut ataatsimut piffissaq malinnagu piffissanik inissitsiterisarnerup aaqqissuussaaneranut assersuut:
Ataasinngorneq | Pingasunngorneq | Tallimanngorneq | |
Nukkassarluni sungiusarneq | 8-10 RM | 4-6 RM | 12-15 RM |
Piffissanik inissitsitereriaaseq taamaattoq iluaqutitalimmik assamik-arsarnermi, isikkamik-arsarnermi, basketboldimi, volleyboldimi, ishockeymi timersuutinilu allani, sæsonip ingerlanera tamakkerlugu timersornikkut pitsaasumik ingerlanissap timip piginnaassutsimigut aalajaalluni qaffasissumiittuarnissaanik pisariaqartitsiffiusuni sæsonillu ingerlanerani qaffakkiartuinnarnissamik periarfissaqarfiusuni, atorneqarsinnaavoq.
Sæsoni naappat imaluunniit aasaanerani/ukiuunerani unikkallartoqarpat sæsonip sinnerata sæsonilluunniit tulliuttup aallartinnissaanut timip piginnaassusia pitsanngorsarniarlugu piffissaq malillugu piffissanik inissitsiterinerup najoqqutarinissaa periarfissaasinnaavoq.
Qanoq piffissaqartigineq apeqqutaatillugu aasaanerani ukiuuneraniluunniit piffissamut qaffassarfissaasumut assersuut:
Nukinnik ineriartortitsineq | Nukkassarneq | Sakkortuumik nukkassarneq | |
Qaffassarnissamut sap. ak. 4 | sap ak. 2 | sap. ak 1 | sap. ak. 1 |
Qaffassarnissamut sap. ak. 8 | sap ak. 4 | sap. ak. 2 | sap. ak. 2 |
Qaffassarnissamut sap. ak. 12 | sap. ak. 4-6 | sap. ak. 3-4 | sap. ak. 3-4 |
Materialet er udviklet af