Tarnip pissusaanut holditut takutitassiaq

ILIGIIT SULEQATIGIINNERANNIK PITSAANERPAANNGORTITSINIARNERMIK SULIAQARAANGATTA ILIGIIT SULEQATIGIILLUARNERANNUT, KULTURIANNUT INERIARTORLUARNERANNULLU TUNNGASUUSARPOQ.

Takussutissiami Team Danmarkimi timersornermi tarnip pissusiinut tunngasunik ilisimasallit iligiit suleqatigiinnerannik pitsaanerpaanngortitsiniarnermi suliaqaraangamik suliarisartagaasa ilaat takutinneqarput.

Takussutissiami suleqatigiilluarsinnaaneq pingaarnerpaatinneqarpoq, aammali ineriartorluarnermut suleqatigiilluarsinnaanermut sunniuteqarsinnaasumut tunngasuulluni.

Iligiit timersortartutut marluttut pingasutulluunniit peqatigiittussatut paasineqassapput: Sulorarnermi iporsuunnermiluunniit marlukkuutaartunit assammik-arsarlutik ishockeerlutilluunniit iligiittunut. Eqimattakkuutaarluni sungiusarnertaaq iligiinnertut isigaarput, taakku ataatsimik anguniagaqarlutik imminnut pisariaqartillutillu suleqatigiittarmata.

TIMERSORNERMI TARNIP PISSUSIINUT TUNNGASUTIGUT ILIGIINNUT TAKUSSUTISSIAQ

Takussutissiami Team Danmarkimi timersornermi tarnip pissusiinut tunngasunik ilisimasallit iligiit suleqatigiinnerannik pitsaanerpaanngortitsiniarnermi suliaqaraangamik suliarisartagaasa ilaat takutinneqarput. – Team Danmarkip timersornermi tarnip pissusiinut tunngasutigut iligiinnut tunngatillugu takussutissiaa aajuk

Takussutissiami ammalortumut iligiittut paasinninnitsinnut ilaasut ilanngunneqarput.

Timersortartut: Iligiinni timersornikkut ilaasortaasut. Tassaasinnaapput timersortartut misilittagartuut, unamminermi isersimaqqaartuugajuttut, timersortartut nutaat, timersortartut attuumassuteqarpallaanngitsut inuusuttullu piginnaanillit.

Sungiusaasut: Inuit sungiusaasutut timersornikkulluunniit aqutsisutut suliallit. Tassaasinnaapput sungiusaasuuneq, sungiusaasup ikiortaa, aalajangersimasumut tunngasunik sungiusaasut aamma timersornermut tunngasutigut pisortaq.

Sulisorisat: Ilaasortat iligiinnik ikorfartuisut. Tassaasinnaapput timersornermi tarnip pissusiinut tunngasutigut siunnersorti, timikkut sungiusaasoq, timersornermi fysiologi, timip sulineranik misissuisoq, nerisaqarnermut tunngasuni fysiologi, timimik sungiusaasoq, tagiartuisartoq, nakorsaq, iligiit aqutsisuat il.il.

ILIGIIT SULEQATIGIILLUARNERANNUT KULTURI - TUNNGAVIUSOQ

  • Tarnikkut toqqissisimaneq – Iligiit ineriartorsinnaanerannut, iluarisimaarnissaannut imminnullu ilinniarsinnaanerannut, iligiit suleqatigiilluarnissaannut tunngaviusunut, toqqissisimaneq pingaaruteqartuuvoq.
  • Anguniagaq – Nassuiarluarneqarsimasunik anguniagaqarnerup iligiinnut ilaasut assigiimmik anguniagaqarnermut tunniussaqaqataatillugillu suleqataatittarpai.
  • Pingaartitat – Tassaapput iligiit isumagisaat isumagerusutaallu.

SULIAT – SULIASSAT ERSEQQISSUMIK NASSUIARLUAKKAMILLU AGGUATAARNEQARNERAT

  • Timersornermut tunngasutigut suliat – Suliassat akisussaaffiillu timersornikkut sulilluarnermut tunngassuteqartuiit.
  • Inunnut tunngasutigut suliat – Iligiit allanngoraataat iluarisimaarnerallu inuit sunniivigeqatigiinnerisigut ineriartortinneqartartut.
  • Aqutsinermut tunngasutigut suliat – Aqutsinermi suliat erseqqissut pingaaruteqartuupput, aqutsisullu kulturimik attassisut iligiit pingaartitaannut anguniagaannullu assersuutaasariaqarput.

QANOQ ILIORNEQ

  • Iliuutsit – Suleqatigiilluarnermut atatillugu iligiinnut ilaasut iliuusii iliuuseqaqatigiinnerilu tamarmik.
  • Attaveqaqatigiinneq – Piffissani eqqortuni iligiit pingaartitaannut naapertuuttunik paasissutissiinerit.

Materialet er udviklet af

Scroll to Top