Mindfullness

MINDFULNESS maannarpiaq pisunut tamakkiisumik malinnaasinnaanissamut atortussaavoq, taamaasillutillu pitsaanerpaamik takutitsisinnaassaatit.

Pisunut malinnaalluarsinnaanermik sungiusarneq qaffasinnerpaamik timersortartuusup tarnikkut, tassa mentalimik, sungiusarneranut pingaaruteqarluinnarpoq. Mindfulness pisunut malinnaalluarsinnaanerulernissamut maannarpiarlu pisunik ukkassisinnaanermut, tassa taassuminnaanngavik nakkutiginnissinnaanermut, atortussaavoq.

Team Danmark mindfulnessimik sungiusaatinik arlariinnik timersortartumut naleqquttunik ineriartortitsisimavoq Elite Sport Greenland-ip takutitsilluarsinnaanissaq eqqarsaatigalugu takusassiatigut sungiusaanermut tunngasut nutsersimallugit.

Eqqaamajuk: Mindfulnessimi eqqortoqaranilu eqqunngitsoqanngimmat. Inuup nammineerluni sunik malugisaqarnera aamma sungiusaatip sorliup inummut pitsaanerpaamik sunniuttarnera apeqqutaapput. Atorfissaqartitallu tamakku piffissap ingerlanerani allanngorsinnaasarput. Taama sungiusartarneq sivitsoriartortillugu angusat pitsaaneruleriartortarput.

TAKUTITSILLUARSINNAANERMUT TUNNGASUNIK SUNGIUSAATIT

Sungiusaatit matuma kinguliiniittut timersortartutut qanoq ittoorusunnerit aamma ulaperuttulerfinni tarnikkut nukittussuseqarlutit qanoq sulisinnaanerit pillugit paasisimasaqarnerulersissavaatsit.

Sungiusaatissani ukunani nammineq pingaartitannik tamaviaarlutillu sulinerpit nalaani sunik unammilligassaqartarninnik ilisimasaqarnissat pisariaqarpoq. Innersuussutigaarput sungiusaatit sungiusaatigilinnginnerini illit nammineerlutit pingaartitatit iliuusissatullu pilersaarutissatit (aamma unammilligassatit, tassa qaangerniagassatit) pillugit suliaqaqqaassasutit.

Pingaatutilimmi takutitsilernermi tusarnaagassiaq

mindfulnessimi ajutuuallaffissat

Mindfulnessimik sungiusarnermi ilisimasariaqakkanik arlalinnik ajutuuallaffissaqarpoq nalinginnaasuusunik.

  • Sinilerneq
    Amerlasuut oqaatigisarpaat mediterernermik nalaani sinilersimallutik – naak tamanna mediterernissamut isumaanngikkaluartoq. Siunertaasormi tassa eqqumaannarnissaq timillu qasukkarsimaarnerata maluginiarluarnissaa. Tamatuma ilinniarnissaa sivisusarpoq.

    Taamaattoq sungiusaat bodyscan (sivisuneq) timi anernerlu pingaartillugit sungiusarnerit ilagisaat sinilernissamut atorneqarsinnaavoq, taannami tassaavoq sinilluni mediterernermik sungiusaat.

  • Sungiusarnermik inerneqanngitsoortitsineq
    Unammilligaqarnissamik assut pingaartitsisuuguit mediternernerpit nalaani taamaannerit iperaallassinnaanerlugu misilittariaqarpat. Misiliguk imminut piumaffigalutit ass. sapaatip-akunnerini sisamani ullut tamarluinnaasa mediterertarnissannik. Tamatuma kingornagut anguniagaqarnerit sunniuteqarnersoq malugisinnaalissavat.
  • Meditererninnik naliliineq
    Amerlasuut ass. aallussisinnaanngeriaraangamik mediterernerullu pitsaanngitsumik ingerlaneranik misigisimariaraangamik unitsitsiniartarput. Tunngaviusorli tassa mediterernerit tamarmik pitsaasuinnaasarmata, siunertaasormi tassaavoq maannarpiaq susoqarneranik maluginiaanissaq misissuinissarlu.

Paasissutissat -mit ineriartortinneqaarput.

Scroll to Top